Generalna skupština UN usvojila je konsenzusom rusku rezoluciju povodom 80. godišnjice okončanja Drugog svjetskog rata, čiji je koautor i Srbija, potvrđeno je Tanjugu u Ministarstvu spoljnih poslova Srbije.

Rezoluciju je pripremila Rusija zajedno sa više desetina država, među kojima su, između ostalih, Srbija, Azerbejdžan, Jermenija, Bjelorusija, Kazahstan, Kina, Kirgizija, Tadžikistan, Turkmenistan, Uzbekistan, Sjeverna Koreja i Iran.

U dokumentu se predlaže državama članicama, agencijama UN i nevladinim organizacijama da se na odgovarajući način 8. i 9. maja obilježi Dan sjećanja na sve žrtve Drugog svjetskog rata.

Takođe, u dokumentu se od predsjedavajućeg Generalne skupštine UN traži da održi specijalnu svečanu sjednicu u čast svih žrtava Drugog svjetskog rata u drugoj nedjelji maja i da se potom takve sjednice održavaju svakih pet godina.

Stalni predstavnik Rusije u UN Vasilij Nebenzja je ranije pozvao članice UN da podrže taj dokument i na taj način odaju počast svima koji su dali živote u borbi protiv nacizma.