Švajcarski parlament odobrio je zabranu isticanja nacističkog kukastog krsta ili "svastike".
Glasanje je uslijedilo nakon pojačanih zabrinutosti zbog rastućeg antisemitizma.
- Rasno diskriminatornim, nasilnim, ekstremističkim i posebno nacionalsocijalističkim simbolima nema mjesta u našem društvu i ne bi trebalo da se koriste u javnosti - rekao je ministar pravde Beat Jans parlamentu.
Pravna komisija Donjeg doma preporučila je brzu primjenu zabrane, koju je već odobrio švajcarski Gornji dom.
Vlada sada mora da izradi zakon koji zabranjuje nošenje, javno isticanje ili širenje rasističkih, nasilnih ili ekstremističkih simbola. Zabrana bi se odnosila na propagandne materijale, gestove, slogane i zastave.
Nacrt zakona zatim mora da bude odobren u oba doma parlamenta.
Broj antisemitskih incidenata u Švajcarskoj povećan je nakon napada Hamasa na Izrael 7. oktobra.