Jesam kriv, ali nisam ubica – ovim riječima se 23-godišnji Ferdi Jašari obratio juče u Višem sudu u Beogradu, na početku suđenja za ubistvo petomjesečne kćerke Lenore, prošle godine u Zemunu.

On je optužen za teško ubistvo, odnosno da je držeći djevojčicu u lijevoj ruci, desnom otvorenom šakom bebu udario više puta u predjelu lica.

– Htio sam da je smirim. Nisam htio da je udarim pesnicom. Nisam imao kontrolu zbog droge. Udario sam je po butini i dva puta pesnicom iza glave – rekao je 23-godišnji Jašari u sudnici.

Jašari je pod dejstvom alkohola i marihuane svoje kćerkicu udarao rukama po glavi i tijelu, jer ga je nervirao njen plač. Optužen je za najteže krivično djelo – teško ubistvo, za koje je zaprećena kazna zatvora od 10 do 40 godina zatvora. Inače, s vanbračnom suprugom ima trogodišnjeg sina.

Tokom saslušanja u tužilaštvu branio se “da je dijete pretukao u rastrojstvu zbog narkomanske krize”.

– Ali nisam ubica, nisam htio to namjerno da uradim. Kajem se – izjavio je Jašari.

On je rekao i kako je kriv te da će doživotno pamtiti ono što je uradio.

– Ja, svi da čujete, sebi da mogu, dao bih doživotnu kaznu! A opet, nisam to htio, nisam ja takav čovjek, nisam ubica, poštovani sude. Molim vas zato za što blažu kaznu, imam 23 godine, dajte mi priliku da opet stvorim život i da ponovo imam porodicu – rekao je Jašari.